SELMANA DE LES LLETRES: "DEVA Y EL PITÍN"

            

                                      !!! DEVA Y EL PITÍN!!!

Préstame pola vida facevos esta regalín de cuentu: “Deva y el pitín” escritu por Esther García y espublizáu por Pintar Pintar.

Hai munchos cuentos infantiles de pitinos famosos: el fartón del Pollo Pepe, el Cocorico llambión, el pollito de la Avellaneda que s'atascó con una ablana, el pollito Pelado que s'atopó con un sacáu de perres...Pero ¿sabéis qué? Que pue que'l Pitín Manolín nun seya'l más famosu de toos pero pa mín ye único y especial porque ta escritu n'asturianu, una llingua de fai muncho, muncho tiempu, y que tolos meses de mayu tien una cellebración mui especial cola “Selmana de les Lletres Asturianes”. Esti añu 2020 yá va pola 41 edición...asina que yá llovió dende'l so entamu.

También préstame pola vida que les educadores que trabayen na escuelina de Cualloto n'Uviéu valoren enforma la llingua y la cultura asturiana, yá seya cola so cita navidiega con L'Anguleru o dándo-y espaciu nesti blogue a les aventures del pitín Manolín y la so collacia Deva. 

                                                             "Deva y el Pitín"

Préstame pola vida,  como educadora na escuelina d'El Rubín y dende'l blogue de la nuesa biblioteca “Una escuela de cuento” http://unaescueladecuento1.blogspot.com/ , dexar equí esti regalin de cuentu  xunto cola canción “El pitín” interpretada por Xentiquina. 

 

https://www.youtube.com/watch?v=w7KeYGJreyM&list=RDw7KeYGJreyM

Porque lleer y canciar presta asgaya,

y si ye n'asturianu …¡presta pola vida!